NIJHUIS SAUR INDUSTRIES -ийн 117 жилийн туршлагыг Монголд:

ЖИ ЭФ АЙ ХХК нь Нидерланд улсын NIJHUIS SAUR INDUSTRIES компанийн Монгол улс дахь албан ёсны төлөөлөгчөөр ажиллаж байна. NIJHUIS нь хаягдал бохир усыг цэвэрлэх, дахин ашиглах, нөхөн сэргээх, эрчим хүчийг бий болгох, усыг цэвэрлэн халдваргүйжүүлэх замаар дахин ашиглах, цэвэрлэх байгууламжийн шинэ дэвшилтэт технологийн шийдлүүдийг санал болгодог. Анх 1904 онд үүсгэн байгуулагдсан бөгөөд өдгөө дэлхийн өнцөг булан бүрт олон мянган амжилттай хэрэгжүүлсэн төсөл арвин туршлага, хэрэглээний ноу-хау эзэмшдэг. 2020 онд ус боловсруулалтын чиглэлээр дэлхийд тэргүүлэх Франц улсын SAUR концернтэй нэгдсэн. NIJHUIS -ийн үйл ажиллагаа хот суурин болон үйлдвэрийн газруудын хаягдал бохир усыг боловсруулан эргүүлэн ашиглах, байгальд ээлтэй байдлаар нийлүүлэх боломжийг олгоно. Мөн хаягдлыг боловсруулж түлш, бордоо, биогаз зэрэг үнэт түүхий эдийг ялган авах cтандарт, модульчлагдсан, автоматжуулалтын хийц бүхий технологийн дэвшилтэт шийдлүүдийг тааламжтай нөхцөлөөр ашиглах боломжийг олгож байна.